Вӧрса шор

Лыдтӧм-тшӧттӧм ёль да шор эм миян Коми муын. Но медся дона сійӧ, код дорын быдмин, кытысь гумлалін васӧ чибльӧгӧн дзоля дырйи.

* * *

Майбырӧй дай вӧрса шорӧй! 

Кытчӧ котӧртан тэ пыр?

Медся муса берег дорӧй, 

Шензя мич вылад зэв дыр. 

Лэччывла жӧ кыркӧтш улас, 

Шондісьыс кӧть дзебсьышта. 

Нимкодясян шыыс мыла. 

Ванас чужӧм мыськышта. 

Копыртчывла тшӧтш и юны,

Содзтыр юа, сэсся мӧд.

Ваыс ма кодь, нинӧм шуны,

Пыр кӧть юа да ог пӧт.