Олӧны тай гозъя: ӧтиыс — «комячка», мӧдыс — «русак»… Миян уна ӧні лои татшӧмыс. И мыйла нӧ рочьяслы коми кывным сы выйӧдз мустӧм? Весиг мусаторйыд кӧ сёрнитӧ комиӧн… Дай Коми муын на олам!
* * *
Тэ коми кыв он пукты пыдди,
Тэ коми кыв он пукты пыдди,
Тэ небӧг комиӧн он лыддьы
И ӧти сьыланкыв он тӧд.
А ме со коми нылӧн чужи,
Мем тайӧ кывйыс матыс, ас.
И сьывны комиӧн ме кужа,
И кужа тэчны коми пас.
И тэныд тшапа верма шуны:
«Ме тэысь озырджык на ныв,
Ӧд тэныд муса рочысь кындзи
Ме нӧшта тӧда коми кыв!»
Комментариев нет:
Отправить комментарий