Мортлӧн олӧм – тайӧ небӧг

Велӧдчынысӧ коли матӧ во джын. А ме ог и тӧд вӧлі, верма ог гӧгӧрвоны йӧзсӧ вӧльнӧй олӧмӧ петӧм бӧрын?.. Дай гӧгӧрвоасны-ӧ коркӧ найӧ менӧ?..

* * *

Мортлӧн олӧм – тайӧ небӧг,
Кысь ме шыпасъяс ог тӧд.
Ӧти лист бок восьта, мӧдӧс –
Ставыс тӧдтӧм, ставыс сьӧд.

Кужтӧг строчкаяссӧ лыддя,
Джӧмдывла, но нинӧмтор.
Йӧзлысь отсӧг пукта пыдди,
Вывті унасӧ ог кор.

Мортлӧн олӧм – сьӧкыд небӧг,
Лыддьыны оз тырмы вын.
Кадыс пышйӧ, кадыс лэбӧ.
Ог мӧй ю визулыс сын?