Мамӧй важӧн нин абу, дай гортын серпасыс дзик мӧдпӧлӧс лои. Но кор выльысь лыддя томдырся гижӧдъясӧс, сійӧ быттьӧ бара мекӧд. Со и тайӧ 14 во сайын гижӧм кывбурыс пыр шонтӧ менсьым сьӧлӧмӧс.
* * *
Дзик на неважӧн эновті гортӧс,
А мен чайтсьӧ, мый коли нин во.
Ассьым мамукӧс, меддона мортӧс
Бара кӧсъя ме аддзывны со.
Эськӧ бордъя кӧ вӧлі да лэбзи,
Морӧс ыпъялӧ, радлунӧн тыр.
Мамлӧн сьӧлӧмыс нормас и небзяс,
Зарни синваыс доршасяс дыр.
Сійӧ кутыштлас менӧ зэв пӧся,
Перъяс пач пытшсьыс руалысь нянь.
Шоныд пывсяныд оз мӧй нӧ лӧсяв,
Ылі туй бӧрад сійӧ и шань.
Сьӧлӧм бурмӧдан, мелі да муса,
Тэ кодь мӧдыс дзик некысь оз сюр.
Кытчӧдз пачыс оз ваймы, оз чусав,
Сэтчӧдз варгам ми — сьӧлӧмлы нур.
Комментариев нет:
Отправить комментарий