Меным 18 арӧс. Ӧшым 27-ӧд лун. Пукала Кебанъёльса общагаын. Ёртӧй кайис нин гортӧ, а ме мыйлакӧ ӧтнам коли. Гӧгӧр пемыд, шуштӧм да гажтӧм. Со и чужи кывбур. А кытысь кӧиныс - ӧні и ачым ог тӧд...
Пачын куш кольӧма пӧим,
Важӧн нин тшыныс оз пет.
Кытӧнкӧ омлялӧ кӧин,
Узьнысӧ меным оз сет.
Бара со воӧма войыс,
Гажтӧм да вывті тай кузь.
Сьӧлӧмӧс нюкыртӧ дойыс,
Сы вӧсна пыр на ог узь.
Синъясӧс лапйӧдла чӧла,
Куня кӧ – воссясны бӧр.
Ывлаыс важ моза тӧла,
Ку пиӧ некыдз ог тӧр.
Комментариев нет:
Отправить комментарий