Коймӧд "Тшак"

     Талун ми семьяӧн ветлім Нювчимса вӧрӧ тшак вотны. Луныс вӧлі зэв мича. Вӧрас машинаыс тшак дорсьыс унджык. Мунам пӧ коймӧд «Тшак» (Грибок) дорӧдз. Меным вӧлі зэв интереснӧ, кутшӧм сэтшӧм тшак? Мыйла сідз шуӧмаӧсь тайӧ инсӧ? 

Важӧн тайӧ вӧрас вӧлӧма куим «Тшак». И ставныс сулалӧны ӧтылнаын. Бӧрыннас нин ме тӧдмалі мый сійӧ сэтшӧмыс. Тайӧ вотчысь-вӧралысьлӧн пуысь вӧчӧм тшак кодь мыгӧра шойччанін. Тшак кодь шляпа, а пытшкас сулалӧ пызан и кык лабич. А ме виччыси кутшӧмкӧ аслыспӧлӧстор. Скӧрӧдумӧ кайигӧн уна жӧ сэтшӧм «Тшакыс» син улӧ усьлӧ…

 Кор воим урчитанінас, ме чуйми: некутшӧм «тшак» сэні эз вӧв. Сӧмын сулаліс важ диван. Сідз жӧ сэні вӧлі бипур места да пескысь вӧчӧм пуклӧс. Тыдалӧ, вотчысь йӧз пуксьылӧмаӧсь шойччыны, пузьӧдӧмаӧсь тшай. Ми тшӧтш шняпкысьлім недыр кежлӧ. А сэні дзик мойдын кодь: неыджыд кушинӧ шондіыс веськалӧ и югдӧдӧ гӧгӧр, пуясыс быттьӧ пӧртмасьӧны уна рӧмӧн…



     Мойдвывса вӧрнас нимкодясигмоз, ми заводитім вотчыны. Думсьыным корсим еджыд гоб, но сідзи эз и сюр. Мися кысь йӧзыс и вотӧны тайӧ дона гобсӧ, да нӧшта на сдайтӧны? Мед кадсӧ не воштыны, ми кежим уль ягӧ. Сэтысь сразу и кутісны сюрласьны иванчик да гӧрд гоб, кӧть зырйӧн зырт! Сідз жӧ вотчигмозыс чӧсмасим чӧдйӧн да пувйӧн. Окота вӧлі вотны найӧс тусьяссӧ дозйӧ, но кадыс эз вӧв. 

     Со мый вӧсна вӧлӧм тайӧ «Тшак» дорас волывлӧны вотчыны. Матігӧгӧрын сы мындатор эм! Кӧсъян - вот дона гоб, кӧсъян- иванчик да гӧрд гоб. Сідз жӧ сэні эмӧсь зэв пувъя да чӧдъя инъяс. И ылӧ мунны оз ков. Тані шойччан ловнад!




(Медся зіль вотчысь)