2016-10-21

Водзӧ нуа эстафета бедь!

Эстафета бедьтӧ сетісны да быть мыйкӧ гижышт. Ковмас сэсся чолӧмасьны коми кыв вылын.

ВЕЛӦДЫСЬЛЫ ЧОЛӦМАЛӦМ

Муӧдз копыр, уна мича кыв
Шуам тэныд, велӧдысьӧй миян!
Быдмис миысь уна тӧлка ныв.
Сідз жӧ сӧвмис уна авъя пиян.

Юр весьтад мед енэж вӧлі лӧз.
Пызан вылад руаліс пӧсь няньыс.
Кытшалісны тіянӧс бур йӧз
Велӧдчысьяс вӧліны мед шаньӧсь!



ЧУЖАН ЛУНӦН ЧОЛӦМАЛӦМ


                   * * *

Чолӧмала тэнӧ чужан лунӧн!
Дзоньвидзалун сиа, помтӧм шуд.
Мед став шогыс-тӧждыс тэнад вунӧ.
Озырлуныд лоӧ ыджыд куд.

                    * * *

Мед шондіыс ёнджыка шонтас!
И нюмдыштас кыдз пулӧн кор.
Мед шудыс да долыдыс локтас.
И олӧмыд бузгас кыдз шор.

Мед пыр лоан мичаӧн, сюсьӧн,
И ёнмыштас дзоньвидзалун.
Мед во чӧж на казьтывны гусьӧн
Торт кусӧкӧн  тшай юан лун.





Водзӧ эстафета беддьӧс сета Kebrasa-лы!

2 комментария:

  1. Наташа, сэтшӧм класснӧй! А медбӧръяыс меным кажитчис медся-медся чӧскыдӧн!)))))

    ОтветитьУдалить
  2. Аттьӧ, Женюк! Медводдзаысь на видлі гижны чолӧмалӧм. Чайта да, мӧдысь бурджыка артмас)

    ОтветитьУдалить